تازه ها
زلالی ترکی از دکتر مطلوبی ( سخن سنج تبریزی )
منه باخ!
تاری سن سن ، منـه باخ
آل الیـمدن جانیـمی ، آز منی یـاخ
داهی صبریم توکه نیب ، دونیانین احوالی یامان
جانی جاندان آییریر، حیله دی ، آخ
قفسیم دیر نه کی کاخ
*
خبرین یوخدو جانیم؟
نئجه سنسیز گئجه لر آخدی قانیم؟
گؤزو یاشدان قوتاریب آخدیریرام قان یـاناغا
بیر آز اولسون منه باخ منده یانیم
باخاجاق سان دایانیم؟
*
نفسیم دوردی، دایان
قلمیم سیندی فراقین دا عیـان
اوخو شعریمده کی اوزلم لی باخیشلار سنه دیر
منی ازبـرلـــــه خیـالیندا ، اويـان
دئنه اولدون نیگران
دوکتور امیر علی مطلوبی
( سخن سنج تبریزی )
